Čarhovy Usiebiełaruski narodny schod projdzie ŭ krasaviku
Čarhovaje pasiadžeńnie Usiebiełaruskaha narodnaha schodu płanujecca pravieści ŭ krasaviku. Ab hetym ctaršynia UNS Alaksandr Łukašenka zajaviŭ siońnia na pasiadžeńni prezidyuma UNS, piša BiełTA.
Usiebiełaruski narodny schod u lutym 2021 hoda. Fota: BiełTA
«Pačatak hetaha hoda ŭ našaj krainie vydaŭsia vielmi aktyŭnym u hramadska-palityčnym płanie. Uśled za elektaralnaj kampanijaj na krasavik zapłanavana praviadzieńnie čarhovaha pasiadžeńnia Usiebiełaruskaha narodnaha schodu. I siońniašni prezidyum daść start padrychtoŭcy da hetaha najvažniejšaha dziaržaŭnaha mierapryjemstva», — skazaŭ jon
Alaksandr Łukašenka dadaŭ, što UNS u jaho novym kanstytucyjnym statusie budzie pravodzicca ŭžo druhi raz, a ŭ ahulnaj kolkaści adbyłosia siem schodaŭ.