Sud adpraviŭ u kałoniju viciebskaha turemnaha błohiera
Padrabiaznaści novaj spravy suprać Viktara Jeŭšykava nieviadomyja. Siońnia jamu prysudzili 2,5 hady kałonii, piša telehram-kanał «Vitiebsk, ja hulaju!».
Viktar Jeŭšykaŭ. Fota: sacsietki
«Kali vy bačycie heta videa, značyć, mianie ŭžo pasadzili ŭ turmu», — skazaŭ błohier u apošnim apublikavanym videa na svajoj staroncy.
Śledčy kamitet pačaŭ dopyty błohiera ŭ kastryčniku minułaha hoda, ale Jeŭšykaŭ publična nie nazyvaŭ artykuł, pa jakim jaho zrabili padazravanym. Siońnia pra vynik suda paviedamiła jaho žonka — 2,5 hady kałonii.
Raniej sam Viktar Jeŭšykaŭ kazaŭ, što jaho schapili ŭ kvatery razam z pačkam marychuany.
Jeŭšykaŭ — nie hramadzianin Biełarusi, ale ŭ svaim błohu raskazvaŭ pra toje, jak 6 hod pravieŭ u biełaruskich kałonijach.
Na tyktok chłopca padpisanyja 36 tysiač čałaviek, a na instahram — bolš za 18 tysiač. Dostup da ŭlikovych zapisaŭ Jeŭšykaŭ pieradaŭ svajoj žoncy.
Čytajcie taksama:
Natallu Ładućku pa spravie INeedByHelp asudzili na čatyry hady kałonii i dali hihancki štraf
Piedahohami nie zmohuć pracavać tyja, kaho asudzili pa kryminalnaj spravie za «ekstremizm»