Jak idzie rekanstrukcyja byłoha budynka Doma druku
Rekanstrukcyja byłoha budynka Doma druku idzie na pr. Niezaležnaści, 79. Ciapier tam uzmacniajuć kanstrukcyi budynka, paviedamlaje «Minskbud».
Usie fota: «Minskbud»
Pa kolkaści zvarščykaŭ na kvadratny mietr rekanstrukcyi były budynak Doma druku pa pr. Niezaležnaści, 79 — u lidarach. Tut adnačasova pracujuć amal dva dziasiatki zvarščykaŭ AAT «Budtrest № 1». Idzie ŭzmacnieńnie kanstrukcyj budynka, jakomu sioleta spoŭnicca 90 hadoŭ. Tolki adnych kałon śpiecyjalistam treba abšyć mietałam 120.
Adnačasova viaducca raboty pa armiravańni i bietanavańni plit pierakryćcia pieršaha paviercha, robiać liftavuju šachtu (raniej lifta tut nie było).
U padvalnaj častcy, dzie kanstrukcyi ŭžo ŭmacavanyja, pačynajuć muravać pieraharodki.
U mai budaŭniki płanujuć prystupić da rabot na dachu. Dach budzie schilnym — abličča historyka-kulturnaj kaštoŭnaści zastaniecca niaźmiennym, abiacajuć budaŭniki.