Palicyja aryštavała ŭ Miunchienie 26-hadovaha afhanca — jaho padazrajuć u najeździe na natoŭp
Siońnia ranicaj u Miunchienie aŭtamabil Mini Cooper urezaŭsia ŭ kałonu demanstrantaŭ, jakija ŭdzielničali ŭ prafsajuznaj akcyi.
Paciarpieli jak minimum 20 čałaviek, dvoje ź ich (u tym liku dzicia) znachodziacca ŭ ciažkim stanie.
Palicyja ŭžo zatrymała kiroŭcu, jaki, jak miarkujecca, znachodziŭsia za rulom aŭto. Pavodle źviestak Bild, im akazaŭsia 26-hadovy ŭradženiec Afhanistana.
Taksama viadoma, što pierad zatrymańniem palicyjanty adkryli ahoń pa aŭtamabili. Ci jość paranienyja ŭ vyniku stralaniny, pakul nieviadoma.