Tramp anansavaŭ sustreču pradstaŭnikoŭ Ukrainy, Rasii i ZŠA ŭ Miunchienie
Prezident ZŠA Donald Tramp zajaviŭ, što ŭ ramkach Miunchienskaj kanfierencyi pa biaśpiecy adbudziecca sustreča z udziełam pradstaŭnikoŭ Ukrainy i Rasii. Pra heta jon skazaŭ žurnalistam u Biełym domie, paviedamlaje «Jeŭrapiejskaja praŭda».
Donald Tramp. Fota: Anna Moneymaker, Getty Images
«Budzie sustreča ŭ Miunchienie zaŭtra (14 lutaha — NN.). Tam budzie Rasija z našymi ludźmi. Ukraina taksama zaprošanaja, darečy. Ja nie ŭpeŭnieny, chto jakuju krainu budzie pradstaŭlać. Ale heta buduć vysokapastaŭlenyja čynoŭniki z Rasii, Ukrainy i ZŠA», — adznačyŭ Tramp.
Rasija nie ŭdzielničaje ŭ Miunchienskaj kanfierencyi z 2022 hoda, aficyjna pra jaje ŭdzieł nie abviaščałasia.
Taksama Tramp ličyć, što Rasiju treba paviarnuć nazad u skład «Vialikaj siamiorki» (G7). Krainu vyklučyli z abjadnańnia paśla anieksii Krymu ŭ 2014 hodzie.
Raniej prezident ZŠA zapeŭniŭ, što Ukraina budzie za stałom pieramoŭ ab «zaviaršeńni vajny».
Čytajcie taksama:
Paśla razmovy Trampa z Pucinym jeŭrapiejskija palityki vystupili z ahulnaj zajavaj pa Ukrainie
Kiraŭnik Pientahona: Pryniać realnaść — nie značyć iści na sastupki Pucinu
Tramp i Pucin mohuć damovicca pra spynieńnie ahniu da Vialikadnia ci 9 maja