Zialenski: Ukrainie budzie nadzvyčaj składana vyžyć biez vajskovaj padtrymki ZŠA
Prezident Ukrainy zajaviŭ, što Ukrainie budzie nadzvyčaj składana vyžyć biez vajskovaj padtrymki ZŠA — jak zaraz, tak i paśla zaviaršeńnia vajny. Pra heta Uładzimir Zialenski skazaŭ u intervju na NBC News u kułuarach Miunchienskaj kanfierencyi pa pytańniach biaśpieki, piša «Ukrainskaja praŭda».
Ilustracyjnaje fota Pier Marco Tacca / Getty Images
Pavodle słoŭ Zialenskaha, dalejšaja vajskovaja padtrymka z boku ZŠA źjaŭlajecca krytyčna važnaj dla abarony Ukrainy i jaje budučyni. Jon padkreśliŭ, što navat nie choča ŭjaŭlać scenar, pavodle jakoha Ukraina zastaniecca biez stratehičnaha partniorstva z Vašynhtonam.
«Napeŭna, heta budzie vielmi, vielmi, vielmi ciažka. I, kaniešnie, u lubych składanych situacyjach u vas jość šaniec. Ale ŭ nas budzie mała šancaŭ, vielmi mała šancaŭ vyžyć biez padtrymki Złučanych Štataŭ. Ja dumaju, što heta vielmi važna, krytyčna važna», — skazaŭ jon.
Zialenski taksama vykazaŭ zaniepakojenaść, što ŭ vypadku spynieńnia vajskovaj dapamohi z boku ZŠA Ukraina zastaniecca ŭraźlivaj da novaj maštabnaj ataki z boku Rasii ŭ budučyni.
Akramia taho, jon papiaredziŭ, što rasijski prezident Uładzimir Pucin nie imkniecca skončyć vajnu, a choča tolki časovaha spynieńnia ahniu, kab pierahrupavać svaje vojski i źniać mižnarodnyja sankcyi.
Čytajcie taksama:
«Płan, jak spynić Pucina i skončyć vajnu». Zialenski sustreŭsia ź vice-prezidentam ZŠA ŭ Miunchienie
Zialenski: Ja nie płanuju sustrakacca ni ź jakimi rasijanami, akramia Pucina
Cichanoŭskaja prakamientavała namier Zialenskaha havaryć z Trampam pra Biełaruś