«Sud staŭ nieachvotna prymać». Žycharoŭ Homielščyny stali radziej sudzić za «ekstremizm»
Pra skaračeńnie kolkaści administracyjnych spraŭ za palityku paviedamiła krynica vydańnia «Fłahštok», źviazanaja ź siłavymi strukturami adnaho z rajonaŭ Homielskaj vobłaści.
Sud Žłobinskaha rajona. Fota ilustracyjnaje
Sa słoŭ krynicy, rajsud staŭ nieachvotna prymać da razhladu milicejskija pratakoły pavodle typovych «ekstremisckich» artykułaŭ Administracyjnaha kodeksa. Z čym heta źviazana, pakul dakładna nie viadoma.
Sajt elektronnaha sudavodstva na hety momant pakazvaje ŭ raskładzie sudoŭ Homielskaj vobłaści na najbližejšy tydzień tolki čatyry «ekstremisckija» administratyŭki: dva sudy za «padpiski» ŭ Homieli i pa adnym u Homielskim i Mazyrskim rajonach. Na minułym tydni ŭ Homielskaj vobłaści zafiksavana 10 sudovych pracesaŭ pa typovych palityčnych artykułach.
Dla paraŭnańnia: pavodle infarmacyi pravaabaroncaŭ «Homielskaj viasny» za dva miesiacy vosieni 2024 hoda pa palityčnych artykułach było asudžana 337 žycharoŭ Homielskaj vobłaści.
Važna, praŭda, adznačyć, što nie ŭsie «ekstremisckija» administracyjnyja spravy traplajuć u raskład sudoŭ.
Čytajcie taksama:
Frydman pra imaviernuju ździełku ZŠA i Biełarusi: Heta stała b palityčnym samahubstvam dla Łukašenki
Cichanoŭskaja: Vyzvaleńni adbyvajucca nie praz humannaść Łukašenki, a praź cisk na režym
ZŠA rychtujuć ździełku z Łukašenkam: vyzvaleńnie palitviaźniaŭ u abmien na sankcyi na kalij i banki