Źjaviłasia pietycyja za padtrymku biełaruskaj movy na Amazon KDP
Padpisać jaje možna na płatformie change.org, zaŭvažyŭ reformby.org.
Elektronnaja kniha Kindle. Fota: amazon.com
Kindle Direct Publishing — heta płatforma Amazon.com dla publikacyi elektronnych knih.
«KDL - płatforma, jakaja robić publikacyi dastupnymi dla ŭsich, za vyklučeńniem aŭtaraŭ, jakija pišuć na biełaruskaj movie», — adznačajuć aŭtary pietycyi.
Dałučeńnie biełaruskaj movy da hetaha servisu moža dapamahčy vydavać bolš knih na movie, jakaja znachodzicca pad pahrozaj źniknieńnia.
Prykładam aŭtary pietycyi pryvodziać publikacyju knih na ŭkrainskaj movie: za 2023 hod takich vyjšła 10 tysiač na Amazon KDP, a ŭnutry Ukrainy — 6 tysiač.
«Biełaruskaja dyjaspara i ludzi ŭ Biełarusi chočuć mieć dostup da sučasnych biełaruskich knih. Sotni biełaruskich aŭtaraŭ, daśledčykaŭ i pierakładčykaŭ chočuć drukavać svaje knihi praz KDP, ale nie mohuć», — skazana ŭ tekście.
U padtrymku pietycyi aŭtary zapuścili chešteh #BezosGiveMeMyBook.