Syn Trampa zaklikaŭ «nie tykać cmoka ŭ voka»
Syn amierykanskaha prezidenta Donald Tramp-małodšy ŭ artykule dla kansiervatyŭnaha navinnaha sajta Human Events napisaŭ, što ZŠA pavinny być hatovyja adkazać na luby vajenny vyklik z boku Kitaja, ale pry hetym zastavacca adkrytymi dla pieramovaŭ ź Piekinam.
Donald Tramp-małodšy. Fota: Julia Demaree Nikhinson / AP
Biznesoviec zaklikaŭ kanhresmienaŭ-respublikancaŭ padtrymać prapanavanuju jahonym baćkam kandydaturu Ełbrydža Kołbi, jaki źjaŭlajecca prychilnikam žorstkaj palityki ŭ dačynieńni da Kitaja, na vysokapastaŭlenuju pasadu ŭ Pientahonie.
Pavodle słoŭ Trampa-małodšaha, Kołbi «pryznaje, nakolki mocny Kitaj u paraŭnańni ź inšymi krainami», u suviazi z čym ličyć, što ZŠA treba «skancentravać vajennyja siły» na Piekinie.
U toj ža čas Kołbi padtrymlivaje punkt hledžańnia, što nie varta «bieź nieabchodnaści tykać cmoka ŭ voka», napisaŭ syn prezidenta. Jon ličyć, što «amierykanski narod atrymaje najbolšuju vyhadu ad bałansu sił z Kitajem, jaki dazvolić paźbiehnuć vajny».
Čytajcie taksama:
Syn Trampa nazvaŭ idyjotami tych, chto daŭ dazvoł na dalnabojnyja ŭdary pa Rasii
Syn Trampa mnohaje vyrašaje. Voś jak tłumačać niavybar Pampiea