Dypłamaty pryjšli da budynka suda, kab padtrymać Iljaša
Sud nad žurnalistam pačaŭsia siońnia, jamu pahražaje da šaści hadoŭ turmy.
Fota: Pradstaŭnictva ES u Biełarusi
«Svaboda słova pavinna być harantavanaja. Žurnalistyka — heta nie złačynstva. Ciapier u Biełarusi za kratami 39 supracoŭnikaŭ miedyja. Usie palityčnyja źniavolenyja pavinny być vyzvalenyja nieadkładna i biezumoŭna», — napisała pradstaŭnictva ES u Biełarusi.
Viadoma, što da akcyi dałučylisia pradstaŭniki dypłamatyčnych misij Aŭstryi, Čechii, ES, Finlandyi, Bielhii, Niderłandaŭ, Šviecyi, Słavakii, Vialikabrytanii.
Nahadajem, Ihara Iljaša abvinavačvajuć u «dyskredytacyi Biełarusi» (art. 369-1 KK) i «sadziejničańni ekstremisckaj dziejnaści» (č. 2 art. 361-4 KK). Jaho spravu pačynajuć razhladać u Minskim haradskim sudzie. Praces budzie vieści sudździa Siarhiej Kacar.
Čytajcie taksama:
U Minsku sudziać žurnalista Ihara Iljaša — muža palitźniavolenaj Kaciaryny Andrejevaj