U Hiermanii abviaścili vyniki vybaraŭ u Bundestah
U niamiecki parłamient prajšło piać partyj.
«Alternatyva dla Hiermanii» Alisy Vajdel upieršyniu ŭ historyi zaniała druhoje miesca. Fota: Michael Probst / AP
Pieršaje miesca na parłamienckich vybarach u Hiermanii zajmaje apazicyjny błok Chryścijanska-demakratyčnaha sajuza i Chryścijanska-sacyjalnaha sajuza (CHDS/CHSS, «Sajuz») Frydrycha Mierca, zhodna z danymi vybarčaj kamisii krainy paśla padliku hałasoŭ va ŭsich 299 vybarčych akruhach. U jaho — 28,6% (208 miesc u parłamiencie).
Druhoje miesca — va ŭltrapravych «Alternatyvy dla Hiermanii» (AdH) — 20,8% (151 miesca).
Treciaje — u Sacyjał-demakratyčnaj partyi (SDPH) ciapierašniaha kanclera Ołafa Šolca — 16,4% (121 miesca).
Čaćviortaje — u partyi «Zialonyja» — 11,6% (85 miesc).
Piataje — u «Levych» — 8,8% (64 miesca).
Nie prajšli ŭ Bundestah dźvie bujnyja partyi: «Sajuz Sary Vahienkniecht» — 4,9%, Svabodnaja demakratyčnaja partyja — 4,3%.