Mask nazvaŭ Kanadu niesapraŭdnaj krainaj
Amierykanski miljarder Iłan Mask, jaki źjaŭlajecca daradcam prezidenta ZŠA i maje kanadskaje hramadzianstva, nazvaŭ Kanadu niesapraŭdnaj krainaj u adkaz na pietycyju z patrabavańniem pazbavić jaho hramadzianstva hetaj krainy, paviedamlaje «Jeŭrapiejskaja praŭda».
Iłan Mask. Fota: Dimitrios Kambouris / Getty Images
Mask adreahavaŭ na navinu ab tym, što ŭ Kanadzie masava padpisali pietycyju z prośbaj pazbavić Maska kanadskaha hramadzianstva za jaho rolu ŭ Administracyi prezidenta ZŠA Donalda Trampa i sproby atakavać suvierenitet Kanady.
«Kanada — niesapraŭdnaja kraina», — napisaŭ Iłan Mask u svajoj sacsietcy Ch (Twitter).
Bolš za 230 tysiač kanadcaŭ padpisali parłamienckuju pietycyju z zaklikam pazbavić Maska kanadskaha hramadzianstva praź jahonuju dziejnaść, jakaja supiarečyć nacyjanalnym intaresam Kanady.
Mask naradziŭsia ŭ Paŭdniovaj Afrycy i maje pašparty Kanady i ZŠA. Kanadskaje hramadzianstva jon atrymaŭ praz svaju maci-madel i dyjetołaha Mej Mask, jakaja rodam z pravincyi Saskačevan.