Chłopca, jaki vučyŭsia pa metavym nakiravańni, zvolnili z pracy. Jaho kaledž sudziŭsia z pracadaŭcam
Za zvalnieńnie maładoha śpiecyjalista pracadaŭcu ciapier treba zapłacić, piša pres-słužba prakuratury.
Chłopiec pastupiŭ u Paleski dziaržaŭny ahrarny kaledž u 2018 hodzie i advučyŭsia pa metavym nakiravańni. Pracavać paśla vypusku jon pavinien byŭ na kampaniju «Frunze-Ahra».
Ale z momantu pracaŭładkavańnia ahranomam chłopiec pratrymaŭsia na pasadzie 4 miesiacy. Dalej jaho zvolnili pa pahadnieńni bakoŭ — termin dla adpracoŭki svajho navučańnia jon nie skončyŭ.
Kaledž padaŭ na kampaniju ŭ Sud Kalinkavickaha rajona. Tam vyrašyli, što zvalniać chłopca było niezakonna i patrabavali «Frunze-Ahra» vypłacić 16 tysiač rubloŭ u abłasny biudžet.