Maładych insultaŭ stała bolš: minskija daktary raskazali pra 15-hadovuju pacyjentku
Kolkaść pacyjentaŭ, jakija pieranieśli insult va ŭzroście da 45 hadoŭ, za apošnija hady pavialičyłasia. Pra heta raskazali miedyki ŭ ramkach pres-kanfierencyi, jakaja prajšła siońnia ŭ Minskim navukova-praktyčnym centry chirurhii, transpłantałohii i hiematałohii.
Fota ilustracyjnaje
Za apošnija 10 hadoŭ dola maładych pacyjentaŭ vyrasła na 1%. Štohod u Biełarusi rehistrujuć kala 40 tysiač vypadkaŭ insultu. Tolki tracina pacyjentaŭ źviartajucca pa dapamohu svoječasova.
Pry hetym, adznačyli śpiecyjalisty, insulty zdarajucca navat u dziaciej, choć i vielmi redka. Za apošnija try hady ŭ centr štohod pastupajuć pa niekalki čałaviek va ŭzroście da 18 hadoŭ.
Adnoj ź ich stała 15-hadovaja dziaŭčyna — jana pastupiła z parušeńniem maŭleńnia i słabaściu ŭ pravaj ruce i nazie, na vačach miedykaŭ simptomy ŭzmacnialisia. Daktary svoječasova akazali joj dapamohu, ciapier pacyjentka całkam zdarovaja i praciahnuła vučobu ŭ škole.
Čytajcie taksama:
Aramatyčnyja śviečki takija ž škodnyja, jak vychłapnyja hazy aŭtamabilaŭ
Miedyki kančatkova vyznačyli, ci škodna jeści bulbu
Małako: pić dziela zdaroŭja ci admovicca z-za škody? Navukoŭcy dajuć adkaz