Ahient Dudkin pavučaje palitykaŭ: Nielha pieramahčy Łukašenku biez zachavańnia maralnych pryncypaŭ

Były lidar BCHD nazvaŭ try słabaści biełaruskich palitykaŭ, praź jakija KDB moža manipulavać ich.

Jaŭhien Dudkin

«Nijakaja palityčnaja siła ŭ Biełarusi nie zdolna pieramahčy režym Łukašenki biez zachavańnia maralnych pryncypaŭ», — pierakanany były chryścijanski demakrat Jaŭhien Dudkin (psieŭdanim Radzivił), jakoha vyklučyli z partyi paśla taho, jak jon pryznaŭsia, što byŭ dobraachvotnym ahientam KDB.

U svaim fejsbuku palityk nazvaŭ try słabaści častki biełaruskich palitykaŭ, jakimi manipuluje KDB.

«1) Praha da ŭłady jak mety žyćcia i biaskoncyja svarki za jaje (abjadnańnia apazicyi tak i niama);

2) vykarystańnie palityki jak finansavaha srodku dla isnavańnia, a nie jak instrumientu dla słužeńnia hramadstvu;

3) suženskija zdrady (viadoma i zaraz, kali maładyja dziaŭčaty naradžajuć pa-za šlubam dziaciej palitykam u stałym uzroście)».

Dudkin kaža, što jamu prapanoŭvałasia brać jeŭrapiejskija hranty, kab u budučym tracić častku ź ich na siabie, a nie na prajekty. Z farmuloŭki možna pryjści da vysnovy, što jon jak sumlenny čałaviek tak nie rabiŭ.

Kamientary da artykuła