Svajaki achviar MH17 patrabujuć pryznańnia Rasijaj adkaznaści jak častku mirnaj damovy
Svajaki achviar katastrofy rejsa MH17 2014 hoda, u jakoj zahinuli 298 čałaviek, nastojvajuć, što biez pryznańnia Rasijaj adkaznaści za źbivańnie samalota nie moža być nadziejnaj mirnaj damovy.
Fota: AP Photo / Lai Seng Sin, File
Pra heta havorycca ŭ adpaviednych listach, nakiravanych prezidentu ZŠA Donaldu Trampu i prezidentu Jeŭrakamisii Ursuli fon der Lajen, kopii listoŭ jość u rasparadžeńni «Jeŭrapiejskaj praŭdy».
U dvuch listach da Trampa i fon der Lajen svajaki achviar MN17 vykazalisia ab mahčymym mirnym pahadnieńni pa Ukrainie. Jany śćviardžajuć, što nadziejnaj damovy ciažka dasiahnuć biez pryznańnia Rasijaj adkaznaści za źbivańnie samalota.
Rodnyja achviar užo daŭno patrabujuć ad Rasii pryznańnia svajoj roli, vybačeńniaŭ i publičnaha rasśledavańnia da ŭsich, chto maje dačynieńnie da źbivańnia samalota. Urad Niderłandaŭ paśladoŭna padtrymlivaŭ hetyja patrabavańni. Ciapier svajaki ličać, što ich patrabavańni pavinny być častkaj luboha patencyjnaha mirnaha ŭrehulavańnia.
«Biez hetaha nie moža być nadziejnaha miru z Rasijaj», — havorać jany.
Akruhovy sud Haahi 17 listapada 2022 hoda zavočna prysudziŭ da pažyćciovaha źniavoleńnia Ihara Hirkina, Siarhieja Dubinskaha i Leanida Charčanku za ich rolu ŭ źbivańni małajzijskaha łajniera MH17 nad Danbasam i daručyŭ zabiaśpiečyć ich aryšt. Sud pastanaviŭ, što jany pavinny vypłacić svajakam zahinułych bolš za 16 młn jeŭra kampiensacyj.
Rasija admoviłasia vydać troch datyčnych da źbivańnia samalota.