Tramp usio ž uvodzić myty na tavary z Kanady, Mieksiki i Kitaja

Prezident ZŠA Donald Tramp zajaviŭ, što z 4 sakavika zapracujuć 25-pracentnyja taryfy na tavary z Kanady i Mieksiki, a taksama buduć uviedzienyja dadatkovyja 10-pracentnyja taryfy na impart z Kitaja. Pra heta jon napisaŭ na svajoj staroncy ŭ Truth Social.

Donald Tramp. Fota: Andrew Harnik / Getty Images 

Pavodle słoŭ amierykanskaha lidara, ź Mieksiki i Kanady ŭ ZŠA praciahvajuć pastupać narkotyki «ŭ vielmi vysokich i nieprymalnych kolkaściach», značnaja častka jakich vyrablajecca i pastaŭlajecca z Kitaja.

Tramp padkreśliŭ, što letaś ad hetych narkotykaŭ pamierli bolš za 100 tysiač čałaviek, a za apošnija 20 hadoŭ zahinuli «miljony ludziej».

«My nie možam dapuścić, kab hetaje biedstva praciahvała nanosić škodu ZŠA, i tamu, pakul jano nie spynicca ci nie budzie surjozna abmiežavana, prapanavanyja taryfy, zapłanavanyja na 4 sakavika, sapraŭdy ŭstupiać u siłu, jak i było zapłanavana», — napisaŭ Tramp.

Infarmacyja, što administracyja Trampa pryniała rašeńnie ŭvieści vysokija myty suprać svaich dvuch najbližejšych susiedziaŭ na poŭnačy i poŭdni, a taksama Kitaja, źjaviłasia 31 studzienia. Paśla razmoŭ z kiraŭnictvam hetych krain, adnak, było pryniata rašeńnie adkłaści ŭviadzieńnie hetych mieraŭ na miesiac.

Kamientary da artykuła