Tramp acaniŭ pierśpiektyvy miru frazaj «albo chutka, albo nie pryjdzie naohuł»
«Prasoŭvańnie da miru» praciahniecca na sustrečy z Uładzimiram Zialenskim 28 lutaha, zajaviŭ prezident ZŠA paśla pieramovaŭ z brytanskim premjer-ministram Kiram Starmieram.
Donald Tramp. Fota: Andrew Harnik / AP
Mir va Ukrainie nadydzie «albo davoli chutka, albo nie pryjdzie naohuł», zajaviŭ prezident ZŠA Donald Tramp na sustrečy z brytanskim premjer-ministram Kiram Starmieram, piša NBC News.
«My vielmi ŭparta pracujem, kab pakłaści kaniec hetaj vajnie. Ja dumaju, što my dasiahnuli vialikaha prahresu, i, zdajecca, sprava ruchajecca davoli chutka», — upeŭnieny Tramp.
Pavodle amierykanskaha lidara, «prasoŭvańnie da miru» praciahniecca na sustrečy ź jaho ŭkrainskim kaleham Uładzimiram Zialenskim siońnia, 28 lutaha.
Čytajcie taksama:
Tramp zajaviŭ, što padpiša pahadnieńnie ź Zialenskim pa zdabyčy karysnych vykapniaŭ
Donald Tramp skazaŭ, što Pucinu jon daviaraje, ale praviaraje