Tramp: Zialenski moža viarnucca, kali budzie hatovy da miru
Paśla pres-kanfierencyi ŭ Biełym domie Tramp zajaviŭ, što Zialenski nie hatovy da miru. Sam Zialenski pakinuŭ miesca pieramovaŭ.
Skrynšot: AP
«Jon źniavažyŭ Złučanyja štaty ŭ šanoŭnaj Avalnaj zali. Jon moža viarnucca tady, kali budzie hatovy da miru», — zajaviŭ Tramp.
«Ja zrazumieŭ, što Zialenski nie hatovy da miru, kali ŭ jaho ŭklučana Amieryka, tamu što jon adčuvaje, što naša ŭklučanaść daje jamu vialikuju pieravahu ŭ pieramovach. Ja nie chaču pieravahu, ja chaču mir», — napisaŭ Tramp.
Zialenski pakinuŭ Bieły dom. Druhaja pres-kanfierencyja Trampa i Zialenskaha admieniena.
Paśla publičnaj svarki ŭ Biełym domie Tramp paprasiŭ Zialenskaha «źjechać». Pra heta paviedamlaje telekanał Fox News.
Paplečnik Donalda Trampa, miljanier Iłan Mask napisaŭ u sacsietcy X, što «Zialenski źniščyŭ siabie ŭ vačach amierykanskaha naroda».
Na heta vykazvańnie Maska adreahavaŭ adzin ź lidaraŭ rasijskaj apazicyi, były čempijon śvietu pa šachmatach Hary Kasparaŭ:
«Nie, heta Tramp źniščyŭ Amieryku ŭ vačach śvietu».
Čytajcie taksama:
Tramp i Zialenski pasvarylisia ŭ žyvym efiry
Tramp Zialenskamu: vy nie pavažajecie ZŠA, vy pavinny być udziačnyja