Za 20-hadovaha biełarusa, jakoha kupiŭ hrand partuhalskaha futbołu, buduć prasić 20 miljonaŭ jeŭra adstupnych
Stała viadoma suma adstupnych za Trafima Mielničenku, biełaruskaha forvarda «Portu B», — jana składaje 20 miljonaŭ jeŭra. To-bok biełarusa moža kupić inšy kłub za hetu sumu.
Fota: FK «Portu»
«Portu» nabyŭ 18-hadovaha hulca ŭ minskaha «Dynama» za 380 tysiač jeŭra, a taksama vypłaciŭ hanarar 30 tysiač jeŭra ahientu Alaksandru Pierapiečku, piša «Priessboł».
«Portu» addaŭ Trafima svajoj dačynnaj kamandzie «Portu-2», jaki hulaje ŭ druhim partuhalskim dyvizijonie. Mielničenka zhulaŭ 6 matčaŭ za druhuju kamandu «drakonaŭ», u jakich zabiŭ 1 hoł i addaŭ 1 halavuju pieradaču.
Nahadajem, što francuzski «Łans» letam 2023 hoda kupiŭ uźbieckaha hulca minskaha «Enierhietyka» Abdułkadzira Chusanava za 100 tysiač jeŭra, a hetaj zimoj pradaŭ «Mančester Sici» za 50 młn jeŭra z ulikam bonusaŭ.