Papa Francišak pravioŭ spakojnuju noč u špitali
Čarhovaja noč pantyfika ŭ špitali prajšła spakojna. Napiaredadni paviedamlałasia, što stan jaho zdaroŭja stabilizujecca, choć situacyja zastajecca surjoznaj, paviedamlajuć Naviny Vatykana.
Ludzi molacca za zdaroŭje Papy na płoščy śviatoha Piatra. Fota: Mosa'ab Elshamy / AP
«Papa dobra adpačyvaŭ usiu noč», — havorycca ŭ karotkim paviedamleńni Zały druku Apostalskaj Stalicy, jakoje było apublikavana siońnia ranicaj.
U aficyjnym miedycynskim biuleteni, jaki byŭ abnarodavany napiaredadni ŭviečary, adznačałasia, što stan zdaroŭja Franciška zastajecca stabilnym. Pantyfiku, jaki ŭ piatnicu mieŭ epizod bronchaspazmu, bolš nie patrabujecca miechaničnaja vientylacyja lohkich, a tolki vysokapatočnaja kisłarodnaja terapija. Tym nie mienš, z ulikam składanaj kliničnaj situacyi, prahnoz zastajecca aściarožnym.