Bačyli, jak niezvyčajna i pa-instahramnamu aformili dvor na Daŭhabrodskaj?
Błohier gdehodil pakazaŭ, jak kreatyŭna aformili terytoryju kala budynku na Daŭhabrodskaj. Tam jon zaŭvažyŭ niekalki cikavych art-abjektaŭ, siarod jakich asabliva vyłučajucca «ruki ziamli», zaŭvažyŭ CityDog.io.
Akramia skulptur, błohiera ŭraziła mazaika z kołataj plitki na prystupkach, jakaja kantrasna hladzicca na fonie traktaroŭ. Unutry biźnies-centra čakaje jašče adzin art-abjekt, a ŭ dvary na parkoŭcy — murały ŭ styli pop-art. Na dumku aŭtara, takija malunki vydatna padyduć dla fotasiesij dla instahrama.
Aŭtar adznačyŭ, što padobnaje dobraŭparadkavańnie vyhladaje pryhoža i niezvyčajna, i dadaŭ, što na mohiłkach takija «ruki ziamli» hladzielisia b bolš strašna.
U kamientarach karystalnikam taksama spadabałasia takoje tvorčaje dobraŭparadkavańnie terytoryi, adnak byli i tyja, chto adčuvaje nie zusim stanoŭčyja emocyi ad vidu ruk z-pad ziamli.
«Vydatna! Prykład, što Minsk — heta nie zastyły ŭ časie stalinski vampir, chacia vampir mnie taksama vielmi simpatyčny».
«Pracuju niedaloka ad hetaha miesca. Uvosień byli pryhožyja łakacyi dla fota z harbuzami i nie tolki. Akulturyli hetaje miastečka».
«A što aznačajuć hetyja ruki? Niechta choča vyleźci z mahiły? Jaki durań moh takoje prydumać».
«Mnie zaŭsiody niejak nie pa sabie, kali prachodžu mima hetych ruk. A samaja pryhažość pačynajecca dalej pa Daŭhabrodskaj, u bok traktarnaha», — pišuć u kamientarach.