Na hetym tydni buduć sudzić haspadyniu ahrasiadziby z-pad Baranavič

Tamaru Patockuju pačnuć sudzić 5 sakavika ŭ sudzie Pieršamajskaha rajona Minska, paviedamlaje «Viasna». Jaje abvinavačvajuć pavodle č. 1 art. 342 KK (aktyŭny ŭdzieł u dziejańniach, jakija hruba parušajuć hramadski paradak). Praces budzie vieści sudździa Anastasija Lajkoŭskaja.

Tamara Patockaja. Fota «Viasny»

Tamaru Patockuju zatrymali 5 śniežnia 2024 hoda ŭ Baranavičach. Paźniej stała viadoma, što žančynu pieraviali ŭ Minsk u SIZA № 1. 

Pavodle jaje znajomych, žančyna hramadskaj aktyŭnaści paśla 2020 hoda nie prajaŭlała. Zajmałasia tolki ahrasiadzibaj. Ale ŭ 2020 hodzie jana była ŭ inicyjataŭnaj hrupie Śviatłany Cichanoŭskaj, była aryštavanaja na 15 sutak. A ŭ 2022 hodzie atrymała štraf za «raspaŭsiud ekstremisckich materyjałaŭ» (art. 19.11 KaAP).

Kamientary da artykuła