Tramp zajaviŭ, što Zialenski hatovy da pieramovaŭ ab miry
Prezident ZŠA ŭ zvarocie da Kanhresu zajaviŭ, što atrymaŭ list ad prezidenta Ukrainy Uładzimira Zialenskaha, u jakim jon zajaŭlaje pra hatoŭnaść da mirnych pieramovaŭ, piša Bi-bi-si.
Fota: AP Photo / Ben Curtis
«Siońnia ja atrymaŭ važny list ad prezidenta Ukrainy Zialenskaha. U liście havorycca: «Ukraina hatovaja jak maha chutčej sieści za stoł pieramovaŭ, kab nablizić tryvały mir. Nichto nie choča miru bolš, čym ukraincy», — skazaŭ Tramp.
Ź jahonych słoŭ, Zialenski taksama zajaviŭ pra hatoŭnaść padpisać pahadnieńnie ab zdabyčy karysnych vykapniaŭ «u luby čas».
«Ja niastomna pracuju, kab zaviaršyć žorstki kanflikt va Ukrainie, — zajaviŭ Tramp. — Miljony ŭkraincaŭ i rasijanaŭ byli daremna zabityja ci paranienyja ŭ hetym žachlivym i žorstkim kanflikcie, kanca jakomu nie vidać. ZŠA nakiravali sotni miljardaŭ dalaraŭ na padtrymku abarony Ukrainy».
«Vy chočacie, kab heta praciahvałasia jašče piać hadoŭ?» — spytaŭ Tramp i znoŭ zajaviŭ, što ZŠA vydatkavali na padtrymku Ukrainy značna bolš, čym Jeŭropa.
«Na žal, Jeŭropa vydatkavała bolš hrošaj na kuplu rasijskaj nafty i hazu, čym na abaronu Ukrainy. Padumajcie pra heta».
Niekatoryja demakraty pakinuli zału, kali Tramp kazaŭ pra Ukrainu.