Lehkaviki miascovaj vytvorčaści viarnuli lidarstva na biełaruskim aŭtamabilnym rynku
Rynak prodažaŭ novych lehkavych aŭtamabilaŭ dylerami ŭ lutym praciahnuŭ svoj rost, ale jahonyja tempy zapavolvajucca. Pra heta paviedamiła Biełaruskaja aŭtamabilnaja asacyjacyja.
Ilustracyjny zdymak. Fota: «Naša Niva»
Paviedamlajecca, što «prodažy novych lehkavych aŭtamabilaŭ u minułym miesiacy skłali 4598 adzinak, što na 83% pieravyšaje vynik lutaha 2024 hoda». Adnosna studzienia 2025-ha prodažy vyraśli na 11,5%.
Jak padkreślili ekśpierty, dola aŭtamašyn Belgee i Geely biełaruskaj vytvorčaści skłała 48,3%, «što dazvoliła miascovamu aŭtavytvorcu viarnuć lidarstva na aŭtamabilnym rynku». Miesiacam raniej na pieršaje miesca vyrvałasia rasijskaja Lada, upieršyniu za šmat miesiacaŭ zrušyŭšy ź jaho mašyny biełaruskaj zborki.
«Praciahvaje raści dola «zialonych aŭtamabilaŭ» u dylerskich prodažach», — adznačyli ŭ asacyjacyi. U lutym 12,6% sukupnych prodažaŭ zabiaśpiečyli elektramabili, uklučajučy paśladoŭnyja hibrydy. A samymi papularnymi ŭ biełarusaŭ pa-raniejšamu źjaŭlajucca aŭtamabili-krasoviery, adznačajuć ekśpierty.
Paviedamlajecca, što «składskija zapasy ŭ bolšaści imparcioraŭ nie pieravyšajuć 1,5-miesiačny abjom prodažaŭ i, vierahodna, buduć vyčarpanyja da siaredziny viasny».
«Rynak lutaŭskich prodažaŭ — typovy rynak «pakupnika». Pa ŭsich prykmietach taki typ rynku prodažaŭ novych lehkavych aŭtamabilaŭ zachavajecca i ŭ najbližejšaj budučyni», — prahnazujuć u asacyjacyi.
Čytajcie taksama:
Stali viadomyja dakładnyja ličby novaha ŭtylzboru. Voś jakija aŭto padaražejuć
Łukašenka znoŭ dazvoliŭ vydavać ilhotnyja kredyty na kuplu Belgee