Kačanava: Našy tavary pavinny być na samych prykmietnych miescach
Dola ajčynnych tavaraŭ u kramach ciapier składaje 56,4%, paviedamiła staršynia Savieta Respubliki, upaŭnavažanaja pa Minsku Natalla Kačanava na naradzie ŭ Minharvykankamie, piša «Sputnik».
Fota: BiełTA
Kačanava adznačyła, što dola biełaruskich tavaraŭ źniziłasia na 3%.
«U nas dla hetaha jość kiraŭniki administracyj (rajonaŭ Minska). U nas jość ludzi, jakija pracujuć i pavinny kantralavać hetyja pytańni», — zajaviła Natalla Kačanava.
Jana padkreśliła, što ajčynnyja tavary pavinny być «u šyrokim asartymiencie» na palicach našych kramaŭ.
«Akramia taho, jany pavinny znachodzicca na samych prykmietnych miescach. Tak, my hetaha nie zaŭsiody bačym», — dadała Kačanava.
Taksama jana źviarnułasia da pradstaŭnikoŭ bujnych handlovych sietak, jakija prysutničali na naradzie:
«My kaliści damovilisia (ab prasoŭvańni biełaruskich tavaraŭ), ale ja vam skažu: ja byvaju ŭ kramach i baču, što heta nie zaŭsiody tak. Na heta treba źviarnuć asablivuju ŭvahu», — adznačyła Kačanava.
Čytajcie taksama:
«Kab žyła Biełaruś» — taki vierš pieradała Kačanava Łukašenku
Aparatnaja paraza Natalli Kačanavaj
Kačanava naviedała Połacki małočny kambinat, dzie «samaja składanaja situacyja» ŭ krainie