Biełarusam stali prychodzić admieny zapisaŭ na niamieckuju vizu paśla hoda čakańnia

Minčanka Alona padzialiłasia ŭ instahramie svajoj niestandartnaj situacyjaj. U mai 2024 hoda dziaŭčyna zapisałasia na padaču vizy i niadaŭna atrymała svabodny słot na krasavik 2025-ha. Ale za miesiac da zapavietnaj daty Alonie raptam pryjšoŭ list ab admienie zapisu, piša «Anłajnier».

Fota ilustracyjnaje

Dziaŭčyna dvojčy pisała ŭ vizavy adździeł ambasady — i abodva razy atrymlivała tolki standartnaje paviedamleńnie pra toje, što pieranos zapisu nie ŭjaŭlajecca mahčymym.

Paviedamleńni ab admienie zapisu, jakija atrymała Alona. Skrynšoty ź instahrama

U asabistaj hutarcy z žurnalistam «Anłajniera» Alaksiej, administratar čata tych, chto čakaje na niamieckija vizy, paćvierdziŭ, što za apošni tydzień sapraŭdy takija samyja kiejsy sustrakalisia bolš za dziesiać razoŭ.

«Vierahodna, moh zdarycca niejki zboj u sistemie zapisu: u kahości admianiajucca ŭžo pryznačanyja daty, kamuści prosta nie prychodzić list ź im. A kali niama lista, to i paćvierdzić zapis niemahčyma. Dakazać pasolstvu, što zapis sapraŭdy byŭ paćvierdžany, možna chiba što tolki skrynšotam staronki z paćviardžeńniem. Ale heta taksama tolki zdahadka: pakul što ŭ čacie nie adznačylisia ludzi, u jakich na momant admieny mieŭsia taki skrynšot».

Kamientary da artykuła