Kalcavuju liniju minskaha mietro pačnuć budavać ad «Puškinskaj» da płoščy Banhałor
Čaćviortaja linija minskaha mietro budzie ad pačatku aryjentavacca na žycharoŭ ŽK «Paŭnočny bierah». Pra heta raskazaŭ dyrektar «Minskmietraprajekta» Michaił Rudźko padčas kanfierencyi «Pierśpiektyvy raźvićcia staličnaha mietrapalitena va ŭmovach miehapolisa, jaki raście», piša Office Life.
Pavodle słoŭ čynoŭnika, na hety momant u płanie budaŭnictva čaćviortaj linii mietro jość 17 stancyj. Ciapier kampanija rychtuje abhruntavańnie dla kožnaj ź ich. Pry hetym kolkaść stancyj moža źmianicca.
Adnak, pa słovach Michaiła Rudźko, stancyi na linii ad «Puškinskaj» da «Parku Družby narodaŭ» buduć budavać u pieršuju čarhu.
Paviedamlajecca, što novyja stancyi buduć hłybiejšyja za ciapierašnija: pierasadačnyja — na 20-25 mietraŭ, a zvyčajnyja — na 12-16 mietraŭ. U dyzajnie ž kožnaja stancyja budzie sa svajoj razynačkaj.
Raniej paviedamlałasia, što kalcavaja linija mietro projdzie ŭnutry transpartnaha kalca Minska praz płošču Banhałor i złučyć čyrvonuju, siniuju i zialonuju linii. Budavać jaje pačnuć u 2030 hodzie. Košt pabudovy 1 kiłamietra mietro — 70 miljonaŭ dalaraŭ.
Čytajcie taksama:
U Minskim mietrapalitenie pakazali, što robiać tam nočču
Navošta Minsku kalcavaja linija mietro, i kolki stancyj jana budzie naličvać
«Nie treba zahaniać pad ziamlu pałacy». Łukašenka zahadaŭ spraścić budaŭnictva mietro