Tramp pryhraziŭ Rasii sankcyjami, «pakul nie budzie dasiahnutaje spynieńnie ahniu»
Prezident ZŠA Donald Tramp pryhraziŭ Rasii maštabnymi sankcyjami ŭ bankaŭskim siektary i mytami, pakul nie budzie dasiahnutaje spynieńnie ahniu i kančatkovaje pahadnieńnie ab mirnym urehulavańni rasijska-ŭkrainskaj vajny. Pra heta jon napisaŭ na svajoj staroncy ŭ Truth Social.
Donald Tramp. Fota: Chip Somodevilla / Getty Images
Prezident ZŠA zajaviŭ, što pa stanie na siońnia Rasija «absalutna bje Ukrainu na pole boju», a tamu zaklikaŭ abodva baki sieści za stoł pieramovaŭ.
«Rasija i Ukraina, siadźcie za stoł pieramoŭ prosta ciapier, pakul nie stała zanadta pozna», — dadaŭ Tramp.
Vysokapastaŭleny čynoŭnik Biełaha doma zajaviŭ, što «hnieŭ Trampa ŭzmacniajecca» ŭ apošnija dni z-za pavodzin Rasii i jaje eskałacyi ŭdaraŭ pa Ukrainie, u toj čas jak jon nastojvaje na spynieńni ahniu, piša Axios.
Raniej ministr finansaŭ ZŠA Skot Biesient zajaviŭ, što Vašynhton biez vahańniaŭ pojdzie na ŭviadzieńnie sankcyj suprać rasijskaj enierhietyki, kali heta dapamoža dasiahnuć spynieńnia ahniu va Ukrainie.
Čytajcie taksama:
Sienatary-respublikancy zaklikajuć Trampa adnavić dapamohu Ukrainie i jaje dostup da raźvieddanych
Tramp: Ukraina i Rasija ŭrešcie zaklučać pahadnieńnie ab pieramirji
Śpiecpasłańnik Trampa paćvierdziŭ, što na nastupnym tydni adbuducca pieramovy Ukrainy i ZŠA
Dziaržsakratar Rubia: Spynieńnie vajny va Ukrainie zapatrabuje sastupak z abodvuch bakoŭ