Nazvanyja krainy z samym čystym pavietram
Šviejcarskaja arhanizacyja kantrolu za jakaściu pavietra IQAir nazvała krainy z samym čystym pavietram. Śpiecyjalisty praanalizavali dadzienyja z 40 tys. stancyj manitorynhu jakaści pavietra ŭ 138 krainach
U Estonii adno z samych čystych pavietraŭ na płaniecie. Fota: Michal Fludra/NurPhoto via Getty Images
Dla stvareńnia rejtynhu daśledčyki abahulili źviestki pra zabrudžvańnie pavietra ŭ realnym časie, vymieranyja na ŭzroŭni ziamli, na praciahu kalandarnaha hoda.
Aŭstralija, Novaja Ziełandyja, Estonija, Hrenłandyja, a taksama astraŭnyja dziaržavy, siarod jakich Maŭrykij, Isłandyja i Havai (ZŠA) uvajšli ŭ pieralik miescaŭ z čystym pavietram.
Samaje zabrudžanaje pavietra — u Čadzie, Konha, Banhładešy, Pakistanie i Indyi. U apošniaj znachodziacca šeść ź dzieviaci samych zabrudžanych haradoŭ śvietu, u tym liku lidar śpisu — pramysłovy horad Birnichat na paŭnočnym uschodzie krainy.