Zialenski: My pahadžajemsia, i kali pahodziacca rasijanie — u toj momant cišynia zapracuje

Prezident Ukrainy Uładzimir Zialenski ŭ svaim viačernim zvarocie paćvierdziŭ hatoŭnaść Ukrainy da 30-dzionnaha spynieńnia ahniu pa ŭsioj linii frontu.

Uładzimir Zialenski padčas zvarotu. Skrynšot ź videa

«Tolki što byŭ dakład našaj delehacyi ab sustrečy z amierykanskaj kamandaj u Saudaŭskaj Aravii.

Našaj ukrainskaj prapanovaj na hetuju sustreču z amierykancami było try rečy: heta cišynia ŭ niebie — rakiety, bomby, dalnabojnyja drony, i cišynia na mory, i realnyja miery ŭstanaŭleńnia davieru da ŭsioj hetaj situacyi, u jakoj praciahvajecca dypłamatyja, pierš za ŭsio — heta vyzvaleńnie pałonnych.

I siońnia ŭ razmovie była prapanova amierykanskaha boku zrabić pieršy krok adrazu dalej i na 30 dzion pasprabavać ustalavać poŭnaje spynieńnie ahniu, nie tolki ŭ dačynieńni da rakiet, dronaŭ i bombaŭ, nie tolki ŭ Čornym mory, a taksama pa ŭsioj linii frontu.

Ukraina ŭsprymaje hetuju prapanovu, my ličym heta pazityŭnym, my hatovyja zrabić taki krok. ZŠA pavinny pierakanać Rasiju zrabić heta. Heta značyć, my pahadžajemsia, i kali rasijanie pahodziacca — u toj momant cišynia zapracuje», — zajaviŭ prezident Ukrainy.

Kamientary da artykuła