DAI dała rekamiendacyi pa pierasoŭvańni ŭ tumanie
Dziaržaŭtainśpiekcyja papiaredziła aŭtamabilistaŭ pra tuman z ranicy i dała rekamiendacyi.
«Najbolšuju niebiaśpieku dla kiroŭcy maje tuman praź niedastatkovuju bačnaść», — havorycca ŭ paviedamleńni.
Kab paźbiehnuć avaryj na darohach, DAI rekamienduje kiroŭcam pa mahčymaści admovicca ad dalokich pajezdak u tuman. Kali ž adkłaści pajezdku niama mahčymaści, važna pamiatać, što pierš za ŭsio biaśpieku ŭ takich umovach zabiaśpiečvaje źnižeńnie chutkaści. Ruchacca treba tak, kab chutka zreahavać na lubuju pieraškodu. Taksama nieabchodna ŭklučyć habarytnyja ahni, fary blizkaha śviatła i supraćtumanyja fary, a pry ździajśnieńni manieŭraŭ treba być asabliva ŭvažlivym.
Piešachodam, u svaju čarhu, varta paznačyć siabie śviatłoadbivalnymi elemientami. Pierachodziačy darohu, nieabchodna ŭvažliva hladzieć pa bakach i pierasiakać prajeznuju častku tolki paśla taho, jak upeŭniciesia, što kiroŭcy sastupajuć darohu.