Jeŭrasajuz abjaviŭ pra svoj adkaz na amierykanskija myty

12 sakavika ŭstupili ŭ siłu 25% taryfy na stal i aluminij, što ŭvoziacca ŭ ZŠA. U pieršuju čarhu miery zakranuć Kanadu i Jeŭrasajuz. U Jeŭropie ličać, što straciać na hetym 26 miljardaŭ jeŭra — i mienavita na hetuju sumu Brusel abkładzie padatkami amierykanskija tavary, piša Euronews.

Ursuła fon der Lajen. Fota: AP

«Myty — heta padatki. Jany škodnyja dla biznesu i jašče bolš dla spažyŭcoŭ. Jany parušajuć łancužki pastavak, unosiać niavyznačanaść u ekanomiku. Pracoŭnyja miescy pad pahrozaj, ceny rastuć. Heta nikomu nie treba — ni ŭ Jeŭrapiejskim cajuzie, ni ŭ Złučanych Štatach», — zajaviła staršynia Jeŭrapiejskaj kamisii Ursuła fon der Lajen.

Pa jaje słovach, ES hatovy da praparcyjnaha adkazu, choć u toj ža čas Brusel zaŭsiody choča raźviazvać takija prablemy šlacham pieramovaŭ:

«My ćviorda pierakananyja, što ŭ śviecie, poŭnym ekanamičnych i palityčnych niavyznačanaściaŭ, nie ŭ našych supolnych intaresach abciažarvać svaje ekanomiki takimi mytami. My hatovyja da kanstruktyŭnaha dyjałohu».

Kontrmiery ES buduć uvodzicca ŭ dva etapy, pačynajučy z 1 krasavika, i całkam nabuduć moc da 13 krasavika.

Kamientary da artykuła