Va Ukrainie zahinuŭ bajec, jaki pachodziŭ z karennaha novaziełandskaha naroda maary
Učora ŭ Kijevie raźvitalisia z vajarom Mižnarodnaha lehijona Hałoŭnaha ŭpraŭleńnia raźviedki Ukrainy Daminikam Abielenam z pazyŭnym «Tołkijen». 28-hadovy Daminik byŭ hramadzianinam Novaj Ziełandyi i pradstaŭnikom karennaha naroda hetaj krainy — maary.
Daminik Abielen byŭ prafiesijnym vajskoŭcam, kaprałam Karaleŭskaha novaziełandskaha piachotnaha pałka. Jon mieŭ vopyt bajavych dziejańniaŭ padčas vajny ŭ Iraku.
U cyvilnym žyćci bajec lubiŭ padarožžy — pry žyćci paśpieŭ naviedać bolš za 60 krain.
Paviedamlajecca, što Daminik Abielen staŭ na abaronu Ukrainy ŭ 2022 hodzie. Spačatku jon byŭ vajskovym instruktaram, a paśla kulamiotčykam.
Daminik zahinuŭ jašče 23 žniŭnia 2022 hoda padčas bajoŭ u rajonie Vuhladara na Danbasie, ale jahonaje cieła ŭdałosia viarnuć va Ukrainu tolki ciapier.
U honar zahinułaha jahonyja pabracimy vykanali tradycyjny maaryjski rytualny taniec vajaroŭ «Haka».
Čytajcie taksama:
Va Ukrainie zahinuŭ biełaruski dobraachvotnik Haz
Anioł Śmierci. Historyja biełaruski, jakaja paviedamlaje rodnym zahinułych kalinoŭcaŭ pra ich hibiel
«Nie adpuskajcie adno adnaho i ŭsio». Historyi biełarusak, jakija čakajuć kachanych z vajny