Viaskoviec napaŭ na rybaka i raspyliŭ u tvar piarcovy bałončyk, pryniaŭšy jaho za brakańjera
Nie zvyčajny incydent zdaryŭsia 4 sakavika na race Bobr u Krupskim rajonie. Na mužčynu, jaki mirna rybačyŭ, napaŭ miascovy «abaronca» pryrody, piša partał FishingBy.
47-hadovy viaskoviec paličyŭ, što rybu vyłoŭlivaje brakańjer u pieryjad nierastu. Ahresar padbieh da rybaka, raspyliŭ u tvar piarcovy bałončyk, paśla čaho ŭtapiŭ jaho snaści, rybałoŭny ryštunak i vopratku.
Pryjšoŭšy ŭ siabie paśla časovaj straty zroku, paciarpieły patelefanavaŭ u milicyju.
Napadnika chutka zatrymali, a častku majomaści viarnuli ŭładalniku. Rajonny SK raspačaŭ kryminalnuju spravu za asabliva złosnaje chulihanstva. Fihurant znachodzicca pad vartaj.