Łukašenka zajaviŭ pra namier budavać druhuju AES na miažy z Rasijaj
Druhaja AES moža być pabudavana na ŭschodnich miežach Biełarusi, tak možna budzie zabiaśpiečyć elektryčnaściu Branskuju vobłaść i «novyja rehijony RF» (pad hetym majucca na ŭvazie akupavanyja ŭkrainskija terytoryi), zajaviŭ Alaksandr Łukašenka padčas vystupu siońnia ŭ Saviecie fiederacyi ŭ Maskvie, piša ria.ru.
AES u Astraŭcy. Ilustracyjnaje fota
«Tamu my paprasili rasijan, kali jość mahčymaść, pabudavać druhuju elektrastancyju. My jaje pabudujem sami, akramia reaktara, vy nas viarnuli da hetych technałohij… Śpiecyjalisty ŭ nas jość, jany ciapier z rasijanami pracujuć i ŭ Turcyi, vienhry vielmi prosiać, kab my ŭ ich papracavali… Tamu my ŭžo sami pabudujem hetuju stancyju, za vyklučeńniem voś hetych adkaznych rečaŭ — reaktar, turbina, jany vyrablajucca tut, heta fakt»,— skazaŭ Łukašenka, vystupajučy ŭ Saviecie Fiederacyi.