Zatrymali kurjera telefonnych machlaroŭ. Škoda skłała 250 tysiač rubloŭ
U 70-hadovaj minčanki spačatku złamyśniki pad vyhladam supracoŭnikaŭ «Enierhazbytu» vypytali asabistyja źviestki, paviedamlaje pres-słužba MUS.
Paśla patelefanavaŭ iłže-milicyjanier i pierakanaŭ, što jaje dadzienyja vykarystoŭvajucca dla złačynstvaŭ: kab paźbiehnuć adkaznaści, treba zadekłaravać źbieražeńni.
Piensijanierka addała prybyłamu kurjeru 170 tysiač rubloŭ. Apieratyŭniki vyśvietlili asobu i zatrymali kurjera — 60-hadovaha žychara stalicy.
Jon raspavioŭ, što sam paciarpieŭ ad machlaroŭ, uziaŭ niekalki kredytaŭ i addaŭ im hrošy. A potym zhadziŭsia «dapamahać» inšym pažyłym ludziam, zabirajučy ŭ ich hrošy nibyta dla pieravodu na «biaśpiečnyja rachunki» ŭ Nacyjanalnym banku.
Akramia hetaj žančyny, mužčyna atrymaŭ jašče bolš za 80 tysiač rubloŭ ad dvuch inšych paciarpiełych. Častku srodkaŭ jon pieravioŭ pieravodam, astatniaje advioz za miažu i asabista pieradaŭ pasredniku.
Čytajcie taksama:
U Telegram prychodziać machlarskija paviedamleńni pra «śmierć znajomych»
Biełarusy stali atrymlivać listy ad machlaroŭ z «nacyjanalnaj palicyi pa narkotykach»
U Biełarusi novy sposab machlarstva — telefanujuć nibyta z palikliniki
Milicyja praz sms zaklikała biełarusaŭ być pilnymi z telefonnymi machlarami