Pavieł Duraŭ pakinuŭ Francyju i adpraviŭsia ŭ Dubaj pa dazvole suda
Pra heta paviedamiła AFP.
Pavieł Duraŭ. Fota: sacsietki
Zasnavalnik Telegram Pavieł Duraŭ byŭ zatrymany ŭ Paryžy 24 žniŭnia 2024 hoda, kali prylacieŭ tudy pryvatnym samalotam. 28 žniŭnia jon byŭ vyzvaleny pad zakład 5 młn jeŭra, ale jamu zabaroniena pakidać Francyju i nieabchodna dva razy na tydzień adznačacca ŭ palicyi.
Kiraŭniku Telegram vystavili abvinavačvańni pa 12 złačynstvach, u tym liku:
zmovie dla kiravańnia anłajn-płatformaj u metach ździajśnieńnia niezakonnych ździełak;
admovie dać infarmacyju abo dakumienty pa zapycie ŭpaŭnavažanych orhanaŭ dla zakonnaha prasłuchoŭvańnia;
dapamoha ŭ pravaparušeńniach šlacham zabieśpiačeńnia dostupu da Telegram karystalnikam, jakija raspaŭsiudžvajuć dziciačuju parnahrafiju, handlujuć narkotykami, a taksama ašukancam i inšym złačyncam;
admyvańni dachodaŭ ad złačynnaj dziejnaści ŭ składzie arhanizavanaj hrupy;
zabieśpiačeńnie kryptahrafičnych pasłuh biez dekłaravańnia; imparcie kryptainstrumientaŭ dla zabieśpiačeńnia pryvatnaści biez papiaredniaha dekłaravańnia.
Jon byŭ pad chatnim aryštam, mieŭsia rehularna adznačacca ŭ palicyi i nie pakidać Francyju.