«Nie pojdzie na karyść prusaku». MZS Ukrainy adreahavaŭ na słovy Łukašenki pra Zialenskaha
Pres-sakratar ukrainskaha dypłamatyčnaha viedamstva nahadaŭ, što biełaruskamu kiraŭniku nie na karyść pierachod u śfieru entamałohii.
Alaksandr Łukašenka. Fota: Alexander Zemlianichenko / AP
Napiaredadni Alaksandr Łukašenka ŭ intervju rasijskaj prapahandzie, havoračy pra svajo staŭleńnie da Uładzimira Zialenskaha, zajaviŭ: «Vałodzia jak syn mnie byŭ, ale pastupiŭ jak hnida».
Hieorhij Cichi pracytavaŭ navinu na «Našaj Nivie», adkazvajučy Łukašenku na jahony vypad u bok Zialenskaha. Skrynšot tvita
Na čarhovuju abrazu ŭ bok ukrainskaha prezidenta adreahavaŭ aficyjny pradstaŭnik MZS Ukrainy Hieorhij Cichi, pracytavaŭšy navinu na «Našaj Nivie».
«Abrazy ŭ adras kiraŭnika ŭkrainskaj dziaržavy niedapuščalnyja, asabliva z boku saŭdzielnika złačynstva ahresii suprać Ukrainy.
Da taho ž pierachod u śfieru entamałohii dakładna nie pojdzie na karyść prusaku».
Łozunh «Stop tarakan!» prydumaŭ błohier Siarhiej Cichanoŭski padčas prezidenckaj kampanii 2020 hoda. Cichanoŭski adznačaŭ, što Łukašenka padobny da hieroja kazki «Tarakanišča» svaimi kuścistymi vusami. Błohier zaklikaŭ prychodzić na pikiety z tapačkami, kab «prystuknuć tarakana». Paźniej łozunh nieadnarazova skandavaŭsia na pikietach i akcyjach pratestu.