Łatvija časova zakryła adziny punkt propusku na miažy ź Biełaruśsiu
Ciapier spynieny ruch jak hruzavoha, tak i lehkavoha transpartu.
Biełaruska-łatvijskaja miaža. Fota: Mytnievy kamitet
Biełaruskaja mytnia paviedamiła, što 16 sakavika z 14 hadzin łatvijski bok spyniŭ afarmlać transpart, jaki jedzie praz adziny adkryty na biełaruska-łatvijskim napramku punkt propusku «Hryharoŭščyna».
«Ruch hruzavych i lehkavych transpartnych srodkaŭ spynieny jak na ŭjezd u Biełaruś, tak i na vyjezd z krainy. Łatvijskim bokam vystaŭleny śpiecyjalnyja zaharadžalnyja ščyty», — piša biełaruskaja mytnia.
Čerhaŭ na hetym punkcie propusku pakul niama.
U pamiežnych čatach pišuć, što pryčyna ŭ tym, što ŭciekačy na rovarach sprabavali ŭjechać u Łatviju. Praz heta łatvijski bok vystaviŭ ščyty i nie afarmlaje transpart.