«Mnie patrebna apazicyjnaja kvatera dla sustreč z revalucyjanierami». Andreju Pavuku niečakana stali pisać ryełtary — jon trolić u adkaz
Błohier Andrej Pavuk časta telefanuje čynoŭnikam na pramyja linii i zadaje im niazručnyja pytańni. Ciapier chtości rašyŭ razyhrać i jaho — Pavuku pačali pisać ryełtary. Toj nie razhubiŭsia.
Błohier tłumačyć «Našaj Nivie», što takija paviedamleńni staŭ atrymlivać z suboty. Kali jon viadzie strym i telefanuje čynoŭnikam na pramyja linii, to nazyvaje svoj telefon. Chtości, padobna, vyrašyŭ jaho skarystać i na hety numar robić zamovy na roznych biełaruskich servisach.
Tak, naprykład, Pavuku napisali ź minskaha žyllovaha kompleksu «Viaršynia», nie viedajučy, čyj heta numar. Paznačyli, što jon pakinuŭ zajaŭku i spytali, što jaho cikavić.
«Mnie patrebna apazicyjnaja kvatera, dzie ja b moh pravodzić sustrečy z revalucyjanierami i abmiarkoŭvać płan pa zachopie ŭłady», — žartam adkazaŭ Andrej.
Skrynšot pierapiski, jakuju apublikavaŭ u instahramie Andrej Pavuk
Błohier rašyŭ pieratvaryć hetu situacyju ŭ zabavu i ciapier z humaram adkazvaje na padobnyja paviedamleńni ad ryełtaraŭ.
Čytajcie taksama:
Čynoŭnica Homielskaha abłvykankama ŭ razmovie z błohieram pryznałasia ŭ palityčnych čystkach
Andrej Pavuk abvinavačvaje svaju byłuju dziaŭčynu, što taja skrała jaho kamieru