Prezident ZŠA papularny jak nikoli
Pavodle danych apytańnia NBC News, Donald Tramp pa-raniejšamu karystajecca vielizarnaj papularnaściu siarod amierykancaŭ — niahledziačy na padzieńnie fondavaha rynku. 47% ličać, što jon dobra vykonvaje svaju pracu.
Donald Tramp. Fota: AP Photo / Luis M. Alvarez
Heta asabisty rekord 45-ha i 47-ha prezidenta: za ŭvieś čas znachodžańnia ŭ Biełym domie jon nikoli nie mieŭ takoha vysokaha ŭzroŭniu adabreńnia, piša Bild.
Najbolšuju padtrymku atrymała mihracyjnaja palityka Trampa — 56% apytanych zadavoleny hetym kirunkam. 47% uchvalajuć radykalnaje skaračeńnie dziaržaparatu.
41% padtrymlivajuć palityku prezidenta adnosna NATA i Ukrainy, tady jak 40% krytykujuć jaho za heta.
U toj ža čas rejtynhi demakrataŭ dasiahnuli histaryčnaha minimumu.
Tolki 29% respandentaŭ ličać, što Demakratyčnaja partyja vykazvaje ich intaresy.
Asnoŭnaja prablema — deficyt lidaraŭ. Amal tracina apytanych nie moža nazvać nivodnaha demakrata, jaki moh by stać mocnym kandydatam u prezidenty.
Rejtynh Kamały Charys — usiaho 9%, i bolš pierakanaŭčych fihur u demakrataŭ pakul nie bačna.