Za chabar zatrymali pradstaŭnikoŭ darožna-budaŭničaj kampanii
Na hienieralnaha dyrektara pradpryjemstva i jaho namieśnika vyjšli apieratyŭniki HUBAZiKa, paviedamlaje pres-słužba MUS.
Paviedamlajecca, što zatrymanyja ŭzbahačalisia za košt pastaŭščykoŭ abstalavańnia i techniki. Dla spryjalnaha vyrašeńnia pytańniaŭ, taksama z metaj dalejšaha supracoŭnictva słužbovyja asoby brali ad kamiercyjnych struktur niezakonnyja hrašovyja ŭznaharodžańni.
Mužčyn zatrymali na miescy złačynstva pry atrymańni chabara ŭ asabliva bujnym pamiery — bolš za 30 tysiač dalaraŭ.
Śledčyja zaviali kryminalnuju spravu. Fihuranty zaklučany pad vartu, im pahražaje da 15 hadoŭ pazbaŭleńnia voli.