Turčyn: U Biełarusi nie buduć biazdumna zajmacca emisijaj hrošaj
U Biełarusi nie buduć biazdumna zajmacca emisijaj hrošaj. Pra heta žurnalistam paviedamiŭ premjer-ministr krainy Alaksandr Turčyn, piša BiełTA.
Nacyjanalny bank Biełarusi. Ilustracyjnaje fota
Premjer-ministr adznačyŭ, što emisija hrošaj u razumnych miežach pravodzicca ŭ luboj krainie. Pytańnie tolki ŭ jaje maštabach, kab jana nie adbivałasia niehatyŭna na ekanomicy.
Akramia taho, padčas dakładu Łukašenku jon paviedamiŭ, što ŭ Biełarusi za pieršyja dva miesiacy hetaha hoda dasiahnuty rost VUP u 103,1%, a taksama nazirajecca vysoki ŭzrovień zarabotnaj płaty. Pavodle słoŭ Alaksandra Turčyna, chaciełasia b zachavać hetuju tendencyju, pry hetym rost ekanomiki nie pavinien škodzić makraekanamičnaj stabilnaści.
Łukašenka padčas dakładu zajaviŭ ab nieabchodnaści vyrašyć šerah pytańniaŭ u ekanomicy, kab realizavać płany na 2025 hod. Alaksandr Łukašenka źviarnuŭ uvahu na toje, što, niahledziačy na rost VUP, pramysłovaść i sielskaja haspadarka pracujuć «ź nievialikim minusam». Taksama Łukašenka adznačyŭ źnižeńnie tavaraekspartu ŭ Rasiju i inflacyju ŭ Biełarusi.