Z 1 krasavika padaražejuć niekatoryja marki cyharet
Ministerstva padatkaŭ i zboraŭ apublikavała infarmacyju pra maksimalnyja roźničnyja ceny na cyharety ź filtram, jakija pačnuć dziejničać z 1 krasavika 2025 hoda.
U adpaviednaści z hetaj infarmacyjaj, u Biełarusi z 1 krasavika pavinna vyraści cana niekalkich dziasiatkaŭ marak: 31 — vyrablenaj tytuniovaj fabrykaj «Nioman», 35 — vyrablenych TAA «Tytuń-Inviest», 26 — vyrablenych TAA «Inter tabaka», 30 — vyrablenych TAA «Sientoni PRO», 35 — vyrablenych ZTAA «Alidzi-Viest», 11 — uvozimych dziaržpradpryjemstvam «Biełaruśhandal», 5 — uvozimych TAA «Sientoni PRO».
Praŭda, mnohija z hetych marak dublujucca, pakolki adny i tyja ž marki vyrablajucca albo ŭvoziacca roznymi kampanijami. Heta značyć, dla kančatkovaha spažyŭca pa fakcie padaražeje značna mienšaja kolkaść marak, čym paznačana vyšej.
Ceny vyrastuć u dyjapazonie ad 5 da 30 kapiejek.
Akramia taho, z apublikavanaj infarmacyi vynikaje, što tytuniovaja fabryka «Nioman» pačnie vyrablać novyja dla ajčynnaha rynku marki cyharet: «NZ Charm Red kampakt» i «NZ Charm Braŭn kampakt» (abiedźvie canoj 4,90 rubla). A ZTAA «Alidzi-Viest» pačnaje vypuskać Kent Crystal Purple (koštam 6,60 rubla).
Čytajcie taksama:
MARH najechaŭ na «Tabakierki» Aleksina
U biełaruskaha dalnabojščyka ŭ Polščy kanfiskavali bolš za 7 miljonaŭ cyharet
U Litvie cyharetnych kantrabandystaŭ zatrymlivali z pahoniaj i stralaninaj
U Polščy mieteazond z cyharetami ź Biełarusi prabiŭ dach doma