BIEŁ Ł RUS

Chedłajnierami Viva Brasłaŭ-2025 buduć Niuša i Lusia Čabocina

28.03.2025 / 17:34

Nashaniva.com

Arhanizatary lehiendarnaha fiestyvalu apublikavali prahramu na 2025 hod.

Viva Brasłaŭ-2024. Fota: vivabraslav.real / Instagram

U 2025 hodzie Viva Brasłaŭ adbudziecca z 16:00 25 lipienia pa 03:00 27 lipienia.

Kancertnaja prahrama jašče budzie dapaŭniacca, ale pakul u joj paznačany vyklučna rasijskija artysty. Chedłajnierami fiestyvalu stanuć Niuša, Ełdžej, Lusia Čabocina, «Brava», «Try dni daždu», MONA i 10Age.

Niuša, Lusia Čabocina i MONA na scenie buduć adkazvać za pop-muzyku, a Ełdžej i 10Age — za chip-chop.

Akramia kancertaŭ na placoŭcy praduhledžany vialiki fudkort, spartyŭnyja zabavy, fotazony, akvahrym i afraplacieńnie. Padčas fiestyvalu abiaruć «Mis Viva Brasłaŭ».

Try typy kvitkoŭ (kancertny, dla pražyvańnia i ŭsio razam) užo dasiažnyja na sajcie mierapryjemstva. Standartny kancertny kvitok možna nabyć za 184 rubli i 95 kapiejek. Pražyvańnie ŭ namiocie na čatyry dni budzie kaštavać 94 rubli i 95 kapiejek.

Čytajcie taksama:

Kamientary da artykuła