Armienija admoviłasia płacić uznos u ADKB
Armienija admoviłasia płacić uznos u biudžet Arhanizacyi Damovy ab kalektyŭnaj biaśpiecy (ADKB), kudy ŭvachodzić ź Biełaruśsiu, Rasijaj, Kazachstanam, Kyrhyzstanam i Tadžykistanam. MZS Armienii padkreśliŭ, što Jerevan aficyjna apaviaściŭ sakrataryjat ab svaim rašeńni.
Premjer Armienii Nikoł Pašynian. Fota: Mikhail Metzel, Sputnik, Kremlin Pool Photo via AP
Havorka idzie pra ŭniosak za minuły hod. «Armienija ŭstrymlivajecca ad padpisańnia pastanovy «ab biudžecie ADKB na 2024 hod» i, adpaviedna, ad udziełu ŭ finansavańni dziejnaści arhanizacyi», — zajavili va ŭstanovie.
MZS adznačyŭ, što zhodna z unutranym praviłam ADKB, detali biudžetu arhanizacyi nie padlahajuć publičnamu abviaščeńniu.
MZS Rasii raniej zajaviŭ, što, kali Armienija nie pahasić zapazyčanaści pierad ADKB da kanca 2025 hoda, to mohuć być pryniaty roznyja miery, ale naŭrad ci dojdzie da vyklučeńnia Armienii z ADKB
Na minułym tydni armianski parłamient prahałasavaŭ za ŭstupleńnie Respubliki ŭ ES, ale Brusel siabroŭstva Armienii pakul nie prapanoŭvaŭ.