Kampanija Iłana Maska šukaje dobraachvotnikaŭ dla ŭžyŭleńnia čypaŭ u mozh
Kampanija Iłana Maska Neuralink adkryła hłabalny nabor udzielnikaŭ dla vyprabavańniaŭ niejraimpłantaŭ. Dobraachvotnikaŭ dla hetaha ekśpierymientu šukajuć pa ŭsim śviecie.
Fota: Jonathan Raa/NurPhoto via Getty Images
Dla miedycynskich ekśpierymientaŭ kampanii patrabujucca pacyjenty z paraličom vierchnich i nižnich kaniečnaściaŭ, vyklikanym traŭmaj śpinnoha mozhu abo bakavym amijatrafičnym sklerozam (chvarobaj, na jakuju chvareŭ Styvien Chokinh).
Technałohija, jakaja dazvalaje, naprykład, kiravać kampjutaram abo smartfonam siłaj dumki, užo aprabavanaja na troch pacyjentach z paraličom kaniečnaściaŭ ŭ ZŠA. Neuralink paviedamlaje, što ŭsie try ŭdzielniki demanstrujuć stabilnyja vyniki.
Ciapier Neuralink pašyraje haryzonty, zaprašajučy ludziej z kvadryplehijaj — poŭnaj strataj kantrolu nad rukami i nahami — z roznych krain dałučycca da šaścihadovaha daśledavańnia. Impłantat, pamieram krychu bolšy za manietu, užyŭlajecca ŭ mozh i ŭłoŭlivaje sihnały niejronaŭ, pieraŭtvarajučy ich u kamandy dla pryład.
Čytajcie taksama:
Druhi pacyjent z užyŭlenym u mozh čypam Neuralink zhulaŭ u Counter-Strike 2 siłaj dumki
Mask: Pieršy pacyjent ź impłantam Neuralink zdolny kiravać kampjutarnaj myškaj z dapamohaj dumak
Kampanija Maska ŭpieršyniu ŭžyviła mikračyp u mozh čałavieku