U Biełarusi vykryli schiemu niezakonnaj lehalizacyi zamiežnikaŭ
Niekalki hadoŭ troje biełarusaŭ pry pasiarednictvie zamiežnych hramadzian arhanizavali niezakonny ŭjezd i znachodžańnie mihrantaŭ u Biełarusi.
U MUS Biełarusi vykryli schiemu niezakonnaj lehalizacyi hramadzian z krain Siaredniaj Azii. Udzielniki złačynnaj hrupy, jakaja składałasia z troch biełarusaŭ pry pasiarednictvie zamiežnych hramadzian, na praciahu niekalkich hadoŭ arhanizoŭvali niezakonny ŭjezd i znachodžańnie mihrantaŭ u Biełarusi.
Jany vyrablali i padavali ŭ dziaržaŭnyja ŭstanovy padroblenyja dakumienty ad imia fiktyŭnych abo lehalnych pracadaŭcaŭ, što dazvalała hramadzianam Turkmienistana i Uźbiekistana atrymlivać vizu i dazvoł na časovaje pražyvańnie ŭ Biełarusi.
Papiarednie ŭstanoŭlena, što pasłuhami hetych pasiarednikaŭ skarystalisia 210 asob.
Padčas pieratrusaŭ pa miescach pražyvańnia padazravanych kanfiskavany elektronnyja nośbity infarmacyi, finansava-haspadarčyja dakumienty i bujnyja sumy ŭ biełaruskich rublach i zamiežnaj valucie.
Zatrymany kala 100 zamiežnikaŭ, jakim niezakonna dapamahli zastacca ŭ Biełarusi. Mnohija ź ich pracavali taksistami, padsobnymi rabočymi na rynkach i budaŭničych abjektach.