Sud u akupavanym Daniecku prysudziŭ padletka da 6,5 hoda za «dziaržaŭnuju zdradu»
17-hadovy žychar Dakučajeŭska Danieckaj vobłaści atrymaŭ 6,5 hoda źniavoleńnia pa spravie ab dziaržaŭnaj zdradzie (artykuł 275 KK RF), paviedamlajecca na sajcie Viarchoŭnaha suda samaabvieščanaj Danieckaj narodnaj respubliki.
Ilustracyjnaje fota Minabarony
Uvahu na prysud, vyniesieny jašče 4 krasavika, źviarnuła «Miedyjazona».
Pavodle viersii abvinavačvańnia, padletak pieradavaŭ Słužbie biaśpieki Ukrainy źviestki pra dysłakacyju rasijskich vajskoŭcaŭ u kastryčniku 2023 — sakaviku 2024 hoda.
Pakarańnie junak budzie adbyvać u vychavaŭčaj kałonii, zajavili ŭ prakuratury DNR.